Les mots surlignés font l'objet d'une note
1Monseigneur, en lannée 70 nous recevasmes en ceste ville en garnison par
2votre commandement les compagnies des cappitaines Mestral Debrocheni, de
3Spely et Pellisson venantz de Gasconie, lesquelz y sejournarent vingt et deux jours
4et celle de monsieur Dulphe par quelzques jours sans y payer aulcune chose,
5en consideration duquel et despence par nous soustenue pour nous degraver,
6il vous pleust nous ordonner IIm IIc XVI l(ivres) à les prandre et lever sur noz aides
7acoustumées à la charge que nous sursoyerions la levée desdits deniers jusques
8à la feste de Toussainctz prochaine pour le soulagement de nosdites aides et paouvreté
9qui estoit en eulx, de laquelle nous desistames suyvant votre bon voulloyr, et
10du despuys par aultres raisons que vous pourra dire ce pourteur, Et parce,
11monseigneur, que messieurs les commis aux comptes du pays nous pourroyent
12faire quelque difficulté nous admectre et allouer ladite partie et de la
13mectre sur la parcelle de la presente année, pour avoyr laissé courir quelque
14année sans en faire poursuyte, nous vous supplierons, monseigneur, ceste
15difficulté ce presentant, voulloir embrasser notre cause, et leur faire entendre
16surce votre bon voulloyr et intention, et que si nous eussions exigé
17de nosdites aides, ils neussent faict difficulté aulcune de leur allouer
18ladite partie à leur accoustumée. Et nous mectrons ce bien, monseigneur,
19avecques les aultres que nous avez faict pour nous perpetuer à vous faire
20très humble service.
21Monseigneur nous prions le Createur vous donner en parfaicte santé
22longue et heureuse vie. De Romans ce Xe jour de janvier 1573.
23Vos très humbles et obeissantz serviteurs les
24consulz de Romans
25Loyzon secretaire